Acara Adat Na Tardidi

RUNDOWN

ULAON ADAT NA TARDIDI

1.           MANGUPA-UPA NA TARDIDI + PASAHAT ULOS PAROMPA

2.           PASAHAT TUDU-TUDU SIPANGANON TU HULAHULA

3.           TANGIANG MANGAN (Paidua ni suhut / Pangula ni Huria)

4.           MAKAN BERSAMA

5.           TANGIANG PENUTUP (Pangula ni Huria)

6.           PASAHAT UCAPAN SELAMAT TU KELUARGA NA TARDIDI

7.           MARHATA JAMBAR

8.           MARSISISEAN

9.           MARHATA SEGABE-GABE

a.       Boru/Bere ni Suhut

b.       Dongan Sahuta dht Ale-ale ni Suhut

c.       Pangula ni Huria

d.       Dongan Tubu ni Suhut

10.       PASUPASU SIAN HORONG NI TULANG DHT HULAHULA

11.       MANGAMPU SIAN SUHUT

12.       PASAHAT PASITUAK NA TONGGI (Hulahula & Tulang)

13.      TANGIANG PANUTUP

14.      MARSIJALANGAN

PANDUAN SINGKAT

ULAON ADAT NA TARDIDI

1.          PEMBUKAAN OLEH PROTOKOL

Denggan do ulaon dimulai dohot Kebaktian jala tergantung tu tingki do.

2.          MANGUPA NA TARDIDI DOHOT PASAHAT ULOS PAROMPA

a.       Inanta soripada do na pangupahon dekke. Dipeakkon nasida ma pinggan na marisi dengke tu jolo ni helana dohot boruna na mangabing posoposo I jala diupahon ma huhut sai ditio tanganna pinggan i.

“Songoni ma da amang hela dohot ho inang boru hasian, dohot pahompungku na tardidi sadarion. Mauliate ma tadok tu Amanta Debata Parasirohai na mangalehon ari nauli na denggan on di hita. Nunga saut tardiri pahompungkon tu bagasan goar ni Tuhanta, sai saut ma jala gabe pangihut Tuhanta Jesus Kristus ibana tu joloan on.

Sian las ni roha nami, huboan hami do dison dekke dohot ulos ima  :

o   Dengke Sitio-tio, asa sai tio ma antong panggabean parhorasan di hamu tu joloanon,

o   Dengke Simudur-udur do on huhut asa sai denggan ma hamu marudur-udur ditingki na mangalului ja,palan na lomak laho pature-ture pahompunami on,

o   Dengke Saur do on huhut jala dengke sahat magodang huhut sahat saur maulibulung tumpahan ni Amanta Pardenggan basa i.

(Dipasahat Ompung/Tulang na ma ulos parompa tu Pahompuna)

b.        Di alusi Hela dohot boruna ma :

Ima tutu inang, sai sahat ma na uli na denggan songon nidokmuna i. Botima.

3.          PASAHAT TUDU-TUDU NI SIPANGANON

Pasahat Tudu-Tudu ni Sipanganon tu HULAHULA, dipandu Paidua ni Suhut.

“Songon I ma da rajanami, on ma nuaeng na tarpatupa hami dope di pesta ni si bute na tardiri on, pahompumu laho pasangaphon hamu hulahula nami, las ma rohamuna manjalo”. Botima.

4.          TANGIANG MANGAN

a.       Tangiang mangan sian Paidua ni Suhut/Pangula ni Huria

b.       Huhuasi ni Sipanganon sian Paidua ni Suhut

Angka Amanta Raja dohot Inanta Soripada rodi sude na hupio hami angka na pinarsangapan, lumobi tu hamu hulahula dohot tulangnami, songon nidok ni angka ompunta sijolojolo tuba ma dohononku :

“Sitti ma sihompa golang-golang pangarahutna;

Tung so sadia pen a hupatupa hami, di pesta ni borunami na tardiri sadarion, sai godang ma pinasuna”  Botima.

c.       Tangiang Panutup sian Hulahula/Pangula ni Huria

5.          UCAPAN SELAMAT

Tu Undangan Umum na naeng pasahat Ucapan Selamat tu na Tardidi dipandu Paidua ni Suhut.

Kepada Bapak dan Ibu yang hadir dan mengasihi kami terutama pada anak kami . . . . . . . . . yang telah menerima berkat dari Tuhan melalui acara BAPTISAN YANG KUDUS, kami berikan waktu dan tempat untuk menyampaikan ucapan selamat kepada anak kami dan orangtuanya dengan berjabat tangan ke depan.

Atas parhatian dan doa dari Bapak dan Ibu kami sampaikan limpah terima kasih.

“Undangan dipersilahkan memberikan ucapan selamat kepada keluarga”

6.          MARHATA JAMBAR

Dung sun mangan dohot manjalang na Tardidi dohot Natorasna, dibagi ma tudu-tudu ni sipanganon, jala Paidua ni Suhut ma mangaturhon.

a.       PAIDUA NI SUHUT :

Andorang so tauduti pangkataionta, jumolo ma jolo tapahantus parjambaran dohot hasahatanna, ala surung-surungmu do i, hamuma mangatur Rajanami, songon dia somalna diparadatonta, saguru tu hamu do hami rajanami.  Alai ala kondisi molo setuju do hamu Tudutudu ni Sipanganon I ndang pola boanon tu jolo on, tuturi jala ajari hamu hami. Botima.

b.       HULAHULA

Mauliate ma Amangboru, ala tong-tong do dipasangap hamu hami hulahulamuna. Ala holong ni rohanami tu hamu borunami,  adong Jambar Taripar tu hamu horong ni borunami jala padimpos jala pasahat hamuma tu hasahatanna hombar tu paradatonta.  

c.       PAIDUA NI SUHUT :

Mauliate Rajanami, nungnga uli jala denggan i.

Hamu boru nami, padimpos hamu ma Parjambaran i jala pasahat hamu ma tu hasahatanna jala jou hamu boru ni Hulahulanta . . . . . . . .......... mandongani hamu.

Jadi ala nungnga sun hita marhata jambar, boi ma hita masuk tu acara hata sigabe-gabe. Botima.

7.          HATA SIGABE-GABE

a.       Boru dohot Bere/Ibebere ni Suhut

b.       Dongan Sahuta dohot Ale-ale ni Suhut

c.        Pangula ni Huria (Molo boi dirangkum Pendeta Resort ma songon na mewakili sude punguan kategorial, ima Parhalado, Ebenezer, Parari Selasa, Parari Kamis)

d.       Dongan Tubu

8.          HATA SIGABE-GABE SIAN HORONG NI HULAHULA

a.       Horong ni Tulang

b.      Horong ni Hulahula

9.          MANGAMPU SIAN SUHUT

a.       Paidua ni Suhut pa-ampuhon tu Suhut

b.       Mangampu sian Suhut

10.      TANGIANG PANUTUP

11.      MARSIJALANGAN

Marende huhut manjalang Suhut.

Konsep Perjambaran

o   Jambar tu Hulahula                                             :  ½ Osang-osang

o   Jambar tu Tulang                                                  :  ½ Osang-osang

o   Jambar tu Hulahula na ro                                   :  Rusuk

o   Jambar tu Dongan Tubu                                     :  Soit

o   Jambar tu Dongan Sahuta/Ale-ale                    :  Soit

o   Jambar tu Angka Boru                                         :  Pinggol Parsanggulan

o   Jambar na Tinggal di Suhut                             :  Ihur-ihur

Konsep dope on, jala diharaphon hami do  masukan asa boi lebih denggan.

Acara Adat Manopoti Haporseaon (Malua sian Pangkangkungon)

RUNDOWN  ACARA ADAT

MANOPOTI HAPOSEAON

(MALUA SIAN PANGKANGKUNGI)

1.            PEMBUKAAN OLEH PROTOKOL

Denggan do dipungka ulaon adat dohot Kebaktian.

2.            PASAHAT TUDU-TUDU NI SIPANGANON

a.        Pasahat Tudu-Tudu ni Sipanganon tu Hulahula

b.        Hulahula pasahat Dengke tu Hasuhuton.

3.            MANGUPA NA MALUA

4.            TANGIANG MANGAN

a.        Tangiang mangan sian Paidua ni Suhut

b.        Huhuasi ni Sipanganon sian Paidua ni Suhut

5.            MAKAN BERSAMA

6.            TANGIANG DUNG SIDUNG MANGAN (sian Pangula ni Huria)

7.            MANJALANG NA MALUA

8.            MARHATA JAMBAR

9.            MARHATA ADAT / MARSISISEAN

10.         PASAHAT PASITUAK NA TONGGI TU TULANG DHT HULAHULA

11.         HATA SIPAINGOT (PODA) / PASU-PASU

a.        Boru dohot Bere/Ibebere ni Suhut

b.        Horong ni Kategorial Huria (molo adong)

c.        Dongan Sahuta ni Suhut

d.        Dongan Tubu ni Suhut

e.        Horong ni Tulang

f.         Horong ni Hulahula

12.         MANGAMPU SIAN SUHUT

a.        Na Malua

b.        Natoras ni na Malua

13.         TANGIANG PANUTUP

Tangiang Panutup sian Hulahula.

14.         PASAHAT UCAPAN SELAMAT TU NA MALUA DOHOT NATORAS NA (MARSIJALANGAN).

PANDUAN ACARA ADAT

MANOPOTI HAPOSEAON

(MALUA SIAN PANGKANGKUNGI)

1.            PEMBUKAAN

2.            KEBAKTIAN

3.            PASAHAT TUDU-TUDU NI SIPANGANON

·         Pasahat Tudu-Tudu ni Sipanganon tu Hulahula, dipandu Paidua ni Suhut.

·         Hulahula pasahat Dengke tu Hasuhuton.

4.            MANGUPA NA MALUA

a.        Nantulang ni na Malua mangupa-upa na Malua dohot dengke (Dengke Mas)

“Puji syukur kita panjatkan kepada Tuhan karena pada hari ini Bere telah Lepas Sidi, yaitu menerima harta yang paling berharga dari harta manapun, yaitu Nasehat dan Firman Tuhan. Semoga Bere . . . .  selalu dilindungi Tuhan dan tambah sukses dalam sekolah.

Sian las ni roha nami, huboan hami do dison :

o   Dengke Sahat, asa anggiat ma antong sahat tu ho sude Pasupasu ni Tuhanta.

o   Dengke Saur do on huhut asa anggiat saur maulibulung berengku tumpahon ni Amanta Debata.

o   Dengke Sitio-tio do i huhut, asa anggiat sai tio sude parngoluonmu, jala dapot ho sude na pinarsinta ni roham.

Jadi sahat ma bere nauli, sahat na denggan di ho, jala ampu ma jala tuak diabaram. Botima.

b.        Na Malua mandok Mauliate tu Nantulangna.

Terima kasih Natulang/Tulang atas nasehat dan doanya, semoga saya dapat melakukan dalam kehidupan saya. Terima kasih.

c.        Natoras ni na Malua mandok mauliate tu Hulahulana.

Ima tutu Lae dohot hamu Inang, nungnga diupa-upa hamu beremuna i, sai ampe ma antong pasupasumuna i di sambubuhuna, tuat diabarana, jala abing diampuanna. Mauliate malambok pusu ma dohonon nami siala hata na uli, hata na denggan naung panasahatmuna, songon i dohot pasu-pasu naung ni ampehon-muna tu bere muna i, Botima, mauliate.

5.            TANGIANG MANGAN

·               Tangiang mangan sian Paidua ni Suhut / Pangula ni Huria

·               Huhuasi ni Sipanganon sian Paidua ni Suhut

Angka Amanta Raja, Inanta Soripada, Loloan na Pinarsangapan, taringot di sipanganon i; Godang sibutong-butong, otik sipir ni tondi; Tung so sadia pe na hupatupa hami i, sai pamurnas ma i tu daging, saudara tu bohi, sipaneang holi-holi, sipalomak imbulu.

Binuat hujur bosi, golang-golang pangarahut na; So sadia pe na pinarade i, sai godang ma pinasuna. Botima.

6.            MANJALANG NA MALUA

Tu Undangan Umum na naeng pasahat Ucapan Selamat tu na Malua dipandu Paidua ni Suhut.

Kepada Bapak dan Ibu yang hadir dan mengasihi kami terutama pada anak kami . . . . . . . .  yang telah menerima berkat dari Tuhan melalui acara LEPAS SIDI, kami berikan waktu dan tempat untuk menyampaikan ucapan selamat kepada anak kami dan orangtuanya dengan berjabat tangan ke depan.

Atas parhatian dan doa dari Bapak dan Ibu kami sampaikan limpah terima kasih.

7.            MARHATA JAMBAR

Dung sun mangan dohot manjalang na Malua, dibagi ma tudu-tudu ni sipanganon, jala Paidua ni Suhut ma mangaturhon.

a.        PAIDUA NI SUHUT :

Andorang so tauduti pangkataionta, jumolo ma jolo tapahantus parjambaran dohot hasahatanna, ala surung-surungmu do i, hamuma mangatur Rajanami, songon dia somalna diparadatonta, saguru tu hamu do hami rajanami.  Botima.

b.        HULAHULA

Mauliate ma Amangboru, ala tong-tong do dipasangap hamu hami hulahulamuna. Ala holong ni rohanami tu hamu borunami,  adong Jambar Taripar tu hamu horong ni borunami.

c.        PAIDUA NI SUHUT :

Mauliate Rajanami, nungnga uli jala denggan i.

Hamu boru nami, padimpos hamu ma Parjambaran i jala pasahat hamu ma tu hasahatanna jala jou hamu boru ni Hulahulanta Hutabarat mandongani hamu.

Jadi ala nungnga sun hita marhata jambar, boi ma hita masuk tu acara na marsisisean. Botima.

8.            MARHATA ADAT / MARSISISEAN

a.        Dongan Tubu :

Mangkatai ma hita anggidoli, songon nidok ni ompunta sijolojolo tubu :

“Danggur ma danggur barat, tongon tu duhut-duhut; Ia nungnga hita mangan, sagat marlompan juhut, sombu minum tuak tangkasan, tinahu ni amanta suhut”

Ba, manungkun ma hami nuaeng tu anggidoli :

“Diama langkatna, dia ma unokna; dia ma hatana, dia ma nidokna” tangkas ma paboa anggidoli. Botima.

b.        Alus ni Paidua ni Suhut

Ima da tutu hahadoli, ia disungkun-sungkunmuna taringot tu sipanganon i, ba alusan ma tutu, alai parjolo ma dohonon nami, taringot di sipanganon i, ulahan nami dope mandok :

“Godang sibutong-butong, otik sipir ni tondi, tung so sadia pe na hupatupa hami i, sai pamuarnas ma i tu pamatang, saudara tu bohi”

Ia lapatan ni sipanganon i, ba’ Parhorasan, Panggabean do. Botima.

c.        Hata ni Hahadoli

Ba’ gabe-gabe do hape dohot horas-horas lapatan ni sipanganon I :

“Tano ni Pakatto ma hatubuan ni andaliman; Ba’ horas ma hami na manganton, ba sai lam tamba sinadongan di hamu na mangalehon”

Alai anggidoli, sai marangkup do na uli, mardongan do na denggan, onpe tangkas ma paboa hamu siangkupna songon na hundul, sidonganna songon na mardalan. Botima.

d.        Alus ni Paidua ni Suhut

Tutu do i, sai marangkup do nauli, sai mardongan do na denggan, on pe paboaon ma tutu siangkupna songon na hundul, sidonganna songon na mardalan.

Pandok ni Ompunta sijolojolo tubu :

“Ompu Raja di jolo martungkot siala gundi; angka na uli pinungka ni angka ompunta na parjolo, tama do ihutonnon ni hita angka na parpudi”

Mangihuthon hasomalan ni angka ompunta na parjolo i, ia adong na masa di iba tarlumobi silas ni roha ingkon paboaon do i tu angka dongan sabutuha dohot tu sude angka tutur.

Di bagasan ari sadari on na malua sian pangkangkungi do anak ni angginami ima siangkangan, na margoar si . . . . . . na pinatupa ni hurianta marhite-hite naposoNa di gareja.

Jadi i ma da hahadoli na tahalashon di ombas on, jadi hupio hami pe hita sude, asa rap ma hita manghalashon i huhut mandok mauliate tu Tuhanta, jala rap hita mangido asa di dongani Tuhan ibana tu joloan on.

Jadi tangiang dohot pasupasu do na hupangido hami tu hamu sude angka na pinorsangapan, tarlumobi tu angka Tulang dohot Hulahulanami. Botima.

e.        Hata Mangolophon sian Hahadoli

Bai’ i ma hape umbahen na dipapungu hamu hita dibagasta na marampang na marjual on, na malua sian pangkangkungi do hape anakta nangkin sian huria ni Tuhanta. Na uli ma i antong, jadi parjolo ma tadok mauliate tu Tuhanta Parasiroha i, na mangalehon hahipason di anaktai, gabe boi ibana sadari on manghatindangkon haporseaon na malua sian pangkangkungi.

Ipe tu hita saluhutna na huparsangapi hami, amanta raja, inanta soripada, lumobi tu hamu Tulang . . . . dohot Hulahula .. . . . ., nungnga tangkas ta bege sian Paidua ni Suhut na manghalashon ala na malua sian pangkangkungi do hape anaknami, ido umbahen marpungu hita di tingki on.

Ala poso dope anak nami on, harop do roha nami di podamuna na denggan I, angka amang, inang, tarlumobi di hamu Tulang dohot Hulahulanami, na gabe bohal ni anak nami on. Botima.

9.            PASAHAT PASITUAK NA TONGGI TU TULANG DHT HULAHULA.

10.         HATA SIPAINGOT (PODA) / PASU-PASU

ü   Boru dohot Bere/Ibebere ni Suhut

ü   Horong ni Kategorial Huria (molo adong)

ü   Dongan Sahuta ni Suhut

ü   Dongan Tubu ni Suhut

ü   Horong ni Tulang

ü   Horong ni Hulahula

11.         MANGAMPU SIAN SUHUT

ü   Paidua ni Suhut pa-ampehon tu Suhut

ü   Mangampu sian Suhut dohot na Malua

12.         TANGIANG PANUTUP

Tangiang Panutup sian Hulahula alai boi do dipangido sian Pangula ni Huria.

13.         PASAHAT UCAPAN SELAMAT TU NA MALUA DOHOT NATORAS NA (MARSIJALANGAN).

Catatan :

Konsep Perjambaran

o        Jambar tu Hulahula                                                   :  ½ Osang-osang

o        Jambar tu Tulang                                                        :  ½ Osang-osang (Somba2)

o        Jambar tu Hulahula na ro                                         :  Rusuk

o        Jambar tu Dongan Tubu                                           :  Soit

o        Jambar tu Dongan Sahuta/Ale-ale                          :  Soit

o        Jambar tu Angka Boru                                               :  Pinggol Parsanggulan

o        Jambar na Tinggal di Suhut                                   :  Ihur-ihur